Johannes 3:17 “God het nie sy Seun na die wêreld toe gestuur om die wêreld te veroordeel nie, maar sodat die wêreld deur Hom gered kan word.” - Afrikaanse 1983 Vertaling Let asseblief hier op hoe inkonsekwent hierdie vers hanteer word. Die eerste deel is reg vertaal met die “ om die wêreld te veroordeel nie ” as synde die uitdrukking van die doelgerigtheid van God . Die tweede deel druk die teenoorgestelde uit, as synde die twyfelagtigheid van God ! In albei gevalle word die Griekse “ ἵνα ” (#3443) gereflekteer. Hoekom eweskielik die ommeswaai in die tweede deel en twyfel rakende Christus se redding in te bring? Hoekom nie “ om die wêreld te red “ weer te gee nie? Te gevaarlik, want die “ewigdurende verdoemenis’ dogma sal dan plat val met die kerk in sy peetjie in. Om met grammatika te speel het ‘n pynlike implikasie vir Bybelvertalers. Hulle speel met vuur, asook diegene wat hierdie bygevoegde modale hulpwerkwoorde (soos “kan”) goedkeur. Die “ kan ” is ‘n twyfelsaaier. Die God van die Bybel is ‘n God van doelgerigtheid! God die Vader het Sy Seun Jesus Christus na die aarde toe gestuur met die doel om die ganse wêreld EERS te red as Christus die Redder . Daarna kom die oordeel deur Christus die Regter ( 2 Korintiërs 5:10 ). Dis tevergeefs om gerieflikheidshalwe slegs die fokus op Johannes 3:16 te plaas, met spesifieke betrekking op die “ sodat dié wat in Hom glo ”. Almal sal in Hom glo! Jesus is Begin en Voleinder van die geloof ( Hebreërs 12:2 ). Diegene wat NIE glo dat Jesus alreeds die hele wêreld gered het nie, sal Christus in die gesig moet staar op die dag van oordeel. Wat Jesus gekom het om te doen HET Hy inderdaad gedoen! Johannes 19:28-30 “ 28  Hierna het Jesus, met die wete dat alles klaar volbring is en sodat die Skrif vervul kan word, gesê: “Ek is dors.” 29  Daar het 'n kan vol suur wyn gestaan. Die soldate het toe 'n spons vol suur wyn op 'n hisoptakkie gesit en dit teen sy mond gehou. 30  Nadat Jesus die suur wyn gekry het, het Hy gesê: “ Dit is volbring! ” Toe het Hy sy kop vooroor laat sak en die laaste asem uitgeblaas.” - Afrikaanse 1983 Vertaling Om nou maar net weer ook hier uit te wys hoe desperaat die vertalers is om die universele reddingsgenade van Christus te verdoesel, kyk bietjie wat sê Johannes omtrent Jesus se wete , direk voor die “ kan ” hier. Hy sê “ dat alles klaar volbring is “! Dis ‘n onweerlegbare verklaring van Jesus wat die arrogante vertalers hier direk daarna as synde onvoldonge met hul verbode- en bygevoegde “ kan ” probeer uitdruk! Haal maar die “kan” hier uit en lees hierdie vers sonder dit. Sonder die “kan” is hoe Johannes 19:28 moet lyk! Meer nog, dis hoe doelgerigtheid lyk! God is doelgerig! Sien maar hierdie veragtingswekkende “ kan ” as synde die kameel waarmee ‘n spottende-, maar humoristiese Jesus die hoogmoedige skrifgeleerdes in Mattheus 23:24 uitvreet. So, wat is dan julle “muggie” hier? Die gevaar van wêreldwye redding ? Satan lag al die pad, met sy groot geselskap! Dan, wat is die “ volbring “ in vers 30 hierbo? Dit waarvoor Jesus aarde toe gekom het om te doen, om die ganse wêreld te red! Lees maar bietjie Johannes 3:17 vir ’n verandering, en nie die oorbeklemtoonde vers 16 nie [terloops, vers 16 se “ dié wat in Hom glo ” sal almal wees, want almal sal glo !]. Kyk maar na die diverse interpretasies rondom vers 17 en maak maar ‘n nota van die paar wat die alewige “kan” hier uitlos, soos die “ New International Version ”, die “ New Living Translation ”, die “ Berean Standard Bible ”, die “ Christian Standard Bible ”, die “ GOD'S WORD® Translation ”, en die “ Majority Standard Bible ”. Vir die res, almal reflekteer die “ kan ”. Dis wat mens nou “ hermeneutiek ” noem, nie waar nie? Onenigheid per se, nes in die kerk self. ‘Christen’, die vraag is: met watse agenda lees jy die Bybel, met die agenda om jou aanhang van die ‘ewigdurende verdoemenis’ gedurig te ‘staaf’ met verse wat jou pas, altans wat jy dink jou pas? Is jy opreg op soeke na die waarheid en vra jy God gedurig en opreg daarna? Andersins is die kans dat Hy dit vir jou gee hoogs onwaarskynlik. ‘n Boodskap wat vandag nog van die wêreld weerhou word, en dit JUIS deur die huidige 2,3 miljard ‘Christene’! gee innerlike vrede en welsyn in ‘n wêreld van chaos en pyn. stook verdeeldheid en onrus deur minagting van Christus. Mens kan slegs die waarheid erken deur die leuen te ontken. Mens kan slegs die leuen ontken deur die realiteit te erken. Daar is geen godsdiens in die wêreld wat tot dusver soveel pyn en lyding veroorsaak het nie as juis die godsdiens onder die naam van “Christenskap” sedert 325 CE. En die ergste van alles is dat dit steeds, ná 1,700 jaar, aanspraak maak as synde die verteenwoordiger van die God van die Bybel, die God van Abraham, Isak en Jakob. As mens van dwaalleer wil praat, soek nêrens verder nie. Hierdie “Christenskap” wat vandag bekend is, is ‘n dwaalleer gemeenskap versadig met hoogmoed, beheersug, skynheiligheid, verdeeldheid, kwaadwilligheid, haat, arrogansie, lafhartigheid, bitterheid, afguns, hebsug, jaloesie, interpersoonlike twis, skinder, onderlinge kuberafknouery, rugstekery, mede-afhanklikhaid, en die lys gaan aan en aan en aan. En hoekom al dit? Want vals ‘Christenskap’ is a godsdiens, gebonde aan reëls en verweef in vrees. Ware Christenskap is NIE ‘n godsdiens nie. Dis die uitdrukking van vryheid, verweef in liefde midde in die Teenwoordigheid van Christus. Die sg. ‘Christen Kerk’ is hoegenaamd nie vry nie en daar is net een rede daarvoor. Die Gees van Christus is nie teenwoordig in hierdie diverse gemeenskap van 2,3 miljard met al sy miljoene kerkgeboue dwarsoor die wêreld ( Handelinge 7:48 ) nie. Christus is nie waar pompeusheid en fieterjasies-, vroom rituele-, opruiende dromme op verhoë-, Joodse feesonderhouding-, ‘ewigdurende hel’-ondersteunende “skenk” knoppies op bedieningswebwerfe en geldliefde is nie. Ten spyte van al die denominasies van hierdie kerk, onder die naam “Christendom”, is die drie gemeenskaplike eienskappe gedeel deur almal, “ ewige verdoemenis ”, “ reëls ” en “ rituele ”. Of dit nou dateer vanaf die Sinode van Nicea, of huidiglik van die Tora is. Al hul genade-veragtende reëls en rituele is boeie van slawerny om die gewete te sus en om ‘n ‘heiligmakende stempel van goedkeuring’ te kry. Maar, helaas tevergeefs. Frustrasie te wyte aan hul onvermoë om hul pretensieuse vroomheid te handhaaf is wat hul bogenoemde optredes veroorsaak. Hierdie kerk gaan oor eeue heen die wêreld in en versprei die leuen van ‘n ewigdurende verdoemenis aan miljoene der miljoene mense, terende op hul vrees en met daarmee saam ‘n bespotting van die genade van Christus. Hulle forseer kwesbare derde wêreld gemeenskappe om te glo in ‘n vals ‘Christus’ wat hulle sal uitwis in ‘n helse vuur’ as hulle nie in hom glo nie. Bring hierdie sendelinge die blye boodskap van Christus hoegenaamd? Nodeloos om te antwoord. Wat hierdie kerklidmate salig onbewus is van, is die feit dat hulle self bestem is vir hierdie einste ‘hellevuur’ waarmee hulle hul toehoorders dreig. Daar is egter ‘n onvergelykbare verskil tussen die ‘hellevuur’ wat hulle verkondig en die een van Openbaring 21:8 . Laasgenoemde is die tydelike tweede dood wat deur Christus self oorwin word ( 1 Korintiërs 15:26 ). Dank die Here daarvoor! Dit gaan alles oor geestelike lewe. Diegene in die ware Christus vandag het reeds geestelike ewige lewe en word die poel van vurige dissipline gespaar. Openbaring 21:8 ““Maar dié wat bang en ontrou geword het, die losbandiges, moordenaars en onsedelikes, bedrieërs en afgodsdienaars en al die leuenaars , hulle lot is die poel wat met vuur en swael brand, dit is die tweede dood.”” - Afrikaanse Nuwe Vertaling 1983 Meer nog, deur hierdie gruwelike leuen maak hierdie einste kerkgangers hulself skuldig aan die onvergeeflike oortreding waarvan die Bybel praat, nl. die oortreding wat ‘n straf in die ergste graad verseker en wat hulle nie sal vryspring nie. Sien Matteus 12:31-32 en Hebreërs 10:28-29 . “Onvergeeflik” beteken eenvoudig “nie daarmee wegkom sonder straf nie”. The Bloed van Christus is nie om mee te speel nie, ooit! Waarop kom hierdie “ewigdurende verdoemenis” leuen wat hulle verkondig neer? Dit beteken eenvoudig dat Jesus se gestorte Bloed tevergeefs was, gestroop van die krag om diegene te red wat Hom nie gekies het nie en daarmee Sy Bloed ondergeskik aan die ‘keuse’ van die mens gemaak het. En nie net dit nie, maar Wie het Jesus uit die dood opgewek? Sy (Jesus se) Heilige Gees het ( Romeine 8:11 ). Is daar drie Heilige Geeste? Nee, net Een! Jesus IS die Heilige Gees Hy het dit self in Johannes 14:17 aan Sy dissipels gesê. Sy Heilige Gees het die ewige lewe aan almal gegee ( Romeine 8:10) . Vals ‘Christenskap’ verwerp dit deur hul verkondiging van ewige dood en daarby beledig hulle die Heilige Gees gruwelik! Hebreërs 10:28-29 “ 28  As iemand die wet van Moses oortree, en twee of drie getuies bevestig dit, word hy nie begenadig nie, hy word doodgemaak. 29  Hoeveel swaarder straf, dink julle, sal hy kry wat die Seun van God verag het, die bloed van die verbond waardeur hy geheilig is, geminag het en die Gees van genade beledig het?” - Afrikaanse Nuwe Vertaling 1983 Uitgemaakte saak Die apostel Paulus het nie Jesus erken toe hy die kerk vervolg het nie ( Handelinge 8:3 en Galasiërs 1:13 ) het dus sodoende ook op Jesus se Bloed getrap. Het Paulus hiermee weg gekom? Nee. Hy het as gevolg daarvan geweldig gely ( Handelinge 9:16 ), afgesien van die feit dat hy ‘n radikale ommeswaai gemaak het en vervolgens in Christus (die Ware Christus) gedoop is. Maar, deur sy nuutverkreë regverdige geloof en daaropvolgende [ware] doop , het die krag en genade van Jesus oor hom gekom sodat hy sy roeping om die ware Evangelie te versprei te kan volvoer ( 2 Korintiërs 12:19 ). Waarop kom dit vir die een wat nog vandag leef neer? Die oomblik wat hy of sy hierdie verskriklike ootreding met intense berou besef, dit bely, radikaal omkeer, openlik die Waarheid van Jesus se onbegrensde versoening vir die ganse mensdom erken en gedoop * word in hierdie Ware Christus uit vreugde (en NIE met enige vrees element van die ou geloof nog teenwoordig nie), is hy of sy gespaar van God se komende korrektiewe “Vuurpoel” ( 1 Korintiërs 11:32 ). Ewige genade is uiteraard reeds in plek, alhoewel tydelike lyding as tydelike pakkie saam met hierdie Genade kom. Maar die lieflike HOOP wat mens dan het maak hierdie lyding dit inderdaad werd. Dis by verre beter om hierdie lyding reeds op aarde te hê as in die vuurpoel hierná. DIS die betekenis van 1 Korintiërs 11:32 ! * verwys asseblief “Baptism” in “A-Z Subjects” bladsy (in Engels egter) En wat van diegene wat reeds dood is sonder om Christus te geken het, wat nog te sê van erken het? Elkeen van hulle sal Hom ken en erken en Hy sal nie ver van enigeen van hulle wees nie ( Jeremia 31:34 en Handelinge 17:27 ). Onthou God is ‘n God van dissipline, maar Hy is ook regverdig. Diegene wat Hom geken het en Hom steeds nie erken het sal baie houe gegee word, maar diegene wat Hom nie geken het nie sal min houe gegee word ( Lukas 12:47-48 ). Die afwagtende glorie van almal met God kom weliswaar nie op ‘n silwer skinkbord vir enigeen nie. Maar, Hy sal daar wees BY elkeen, of dit nou in Sheol of Gehenna is. Hy sal elkeen na Homself to trek, juis as gevolg van Sy Liefde ( Johannes 12:32 )! Matteus 12:31-32 “ 31  “Daarom sê Ek vir julle: Elke sonde en lastering kan die mense vergewe word, maar die lastering teen die Heilige Gees kan nie vergewe word nie. 32  As iemand iets teen die Seun van die mens sê, kan dit hom vergewe word; maar as iemand iets teen die Heilige Gees sê, kan dit hom nie vergewe word nie, nie in hierdie bedeling nie en ook nie in die toekomstige nie.”” - Afrikaanse Nuwe Vertaling 1983 Merk asseblief die “ nie in hierdie bedeling nie en ook nie in die toekomstige nie ” hier op. ‘n Bedeling (oftewel “eon”) het altyd met tyd te doen. Hierdie vers praat nie van ewigheid nie, eenvoudig omdat “ewigheid” iets is wat niemand hom of haar kan indink nie, wat nog te sê definieër, want dit het hoegenaamd niks te make met tyd nie ( Prediker 3:11 ). Wat sê hierdie vers? Selfs hierdie uiterse oortreding sal NIE vir altyd gestraf word nie, maar slegs binne ‘n begrensde tydsduur voordat die ewigheid aanbreek. Die ewigheid sal slegs aanbreek met die wit oorklede wat gewas is in die Bloed van Christus, die witgewaste oorklede van die hele mensdom ( Openbaring 7:14 ). HIERDIE is die Goeie Nuus! Hierdie vreesgevulde vreesaanjaende kerklidmate ontneem nie net hulself die onbeskryflike vrede en vreugde wat die ware Jesus se genade gee nie; hulle ontneem hul toehoorders dit ook. Hoe? Eerstens ken hulle nie die ware Jesus nie. Tweedens laat hulle hul volgeling noodgedwonge deel in hul persoonlike vrees, die vrees vir ‘n ‘ewige helse vuur’. Sodoende handhaaf hulle die vrees in hul vredelose toehoorders en daarmee saam leuenaangewende gemeenskappe. En so herhaal geskiedenis homself, generasie op generasie om ‘n wêreld vol vrees te onderhou. Sê Koning Salomo nie in Prediker 1:9 dat daar niks nuuts onder die son is nie? Wat was sal weer wees? Romeine 1:28-32 “ 28  En omdat hulle dit van geen belang ag om God te ken nie, gee Hy hulle oor aan hulle verdraaide opvattings, sodat hulle doen wat onbetaamlik is. 29  Hulle is een en al ongeregtigheid, slegtheid, hebsug en gemeenheid; hulle is vol jaloesie, moord, twis, bedrog en kwaadwilligheid. Hulle skinder en 30  praat kwaad; hulle haat God, hulle is hooghartig, aanmatigend, verwaand; hulle is mense wat kwaad uitdink, ongehoorsaam aan hulle ouers; 31  hulle is onverstandig, onbetroubaar, liefdeloos, hardvogtig. 32  Hulle is mense wat die verordening van God ken dat dié wat sulke dinge doen, die dood verdien, en tog doen hulle nie net self hierdie dinge nie, maar hulle vind dit ook goed as ander dit doen.” - Afrikaanse Nuwe Vertaling 1983 Matteus 10:32 ““Elkeen wat hom voor die mense openlik vir My uitspreek, vir hom sal Ek My ook openlik uitspreek voor my Vader wat in die hemel is. ” - Afrikaanse Nuwe Vertaling 1983 Wanneer Hans-Joachim en ek hierdie Jesus met entoesisme bely, die Jesus wat vir almal gesterf het en almal gered het, is daar eenvoudig ‘n doodse stilte van elkeen met wie ons dit op hierdie pragtige suidpunt van Afrika deel. Geen respons hoegenaamd ooit nie. Soveel so vir ‘n land wat homself hoofsaaklik as ‘n 80% ‘Christen’ land sien. Natuurlik verwys ek hier na Suid-Afrika. Wie is hulle Christus? As hul Christus ons Christus sou wees, dan sou hulle tog immers SAAM met ons gejuig het, nie waar nie? Wel, dis net die teenoorgestelde. Maar, daar is meer. As ek enigeen direk van aangesig tot aangesig konfronteer met die vraag “glo jy in ‘n ewigdurende hel van verdoemenis?”, of net met die noem van Romeine 4:5 , dan volg deurgaans die onmiddellike huiwering om hoegenaamd te reageer, kompleet asof gevries. In ‘n aangesig tot aangesig situasie is dit moeiliker om ware emosies te wys, bloot omdat sogenaamde ‘Christene’ altyd veronderstel is om met vroom kalmte op te tree. Hierdie aangesig tot aangesig konfrontasie gooi hulle onmiddellik van balans af. ‘n Groot dilemma. Maar die prentjie word leliker wanneer mens die ware Christus in ‘n telefoongesprek met hierdie kerkgangers bely. Dan is hierdie aangesig tot aangesig bedreiging afwesig wat plek maak vir ‘n gesiglose uitdagende terugkap van óf smalende sarkasme, óf kwaadwillige woede. Aanval is gewoonlik die beste manier van verdediging in situasies soos dié. Dis ‘n situasie wat hulle nie met ‘medegelowiges’ beleef nie en dus ‘n onbekende een om te hanteer. Dis soos skielike xenofobie in ‘n godsdiens-homogene gemeenskap wanneer hulle deur ‘n uitgesproke buitestaander rondom hul geloof gekonfronteer word. Moeilike situasies bepaal altyd die geldigheid van mens se geloof. Ergste van alles is die gevalle waar ek die onderwerp van Christus se ON begrende versoening opgehaal het met verskeie PhD dominees, teologiese professore en selfs ‘n voormalige rektor van ‘n universiteit. Een keer toe ek ‘n sekere professor hieromtrent genader het, was sy respons “jy praat nie nou hier met ‘n gewone man nie”. Getitelde mense uit die akademiese instansies verdra geen bevraagtekening van ‘gewone’ mense nie. Al die bogenoemde scenarios spreek boekdele van hoogmoed, onsekerheid en vrees. Maar, vir Hans-Joachim en my is dit onmoontlik om NIE meedoënloos aan te gaan en ons uit te spreek teenoor hierdie Goliat ‘kerk’. God het lank gelede deur middel van ‘n moedige- en klein Dawid die reuse vyand met ‘n klein klippie en Sy Krag verslaan. Hier sien ons dat die sg. ‘Christenkerk’ met sy groot getalle hoegenaamd nie verteenwoordigend van krag is nie, maar wel van lafhartigheid. Sy lidmate as enkelinge vermy ons as dit kom by geloof, wat niks anders as lafhartigheid is nie. Lafhartigheid is gewoonlik verskans te midde van skares. Diegene wat weghardloop is die verloorders en dit vat net EEN persoon wat die krag van die Ware Christus het om die 2,3 miljard ‘kerk’ te oorwin met net ‘n paar woorde, ‘n paar Bybelverse. Die ‘kerk’ is die verteenwoordiging van ontkenning. Hoeveel klein ‘Dawidjies’ het oorgebly in hierdie wêreld vandag? Om in die ware Christus te wees is om in Krag te wees… SY Krag! En dit is terloops niks om oor te spog nie. Om in Sy Krag te wees is suiwer genade. Sien hierdie dus as ‘n wekroep en ‘n pleidooi aan almal om na hierdie Krag te hunker. God spreek die lafhartige in Openbaring 21:8 in die eerste plek aan. Lukas 21:15 “want Ek sal vir julle die woorde en die wysheid gee wat deur geeneen van julle teenstanders teengespreek of weerlê kan word nie.” - Afrikaanse Nuwe Vertaling 1983 Wat beter bewys is daar as wanneer huidige realiteit gerugsteun word deur die Skrif ? Maar kom ons kyk wat Jesus self rondom “baie” and “min” te sê het. Matteus 7:22-23 “ 22   Baie sal daardie dag vir My sê: ‘Here, Here, het ons dan nie in u Naam gepreek nie, deur u Naam bose geeste uitgedryf en deur u Naam baie wonders gedoen nie?’ 23  Dan sal Ek openlik vir hulle sê: Ek het julle nooit geken nie. Gaan weg van My af, julle wat die wet van God oortree.”” - Afrikaanse Nuwe Vertaling 1983 In wie se naam preek die 2,3 miljard Christene? In die naam van Jesus, nie waar nie? Wel, watter een, die Ware Jesus, of die valse Jesus? En van watter wet praat Jesus hier? Die Wet van Christus, die Wet van GENADE. Ten tye van Jesus se opstanding het hierdie Wet in werking getree, die Wet van Genade vir alle mense. Genade verwerp deur 2,3 miljard valse 'Christene'! Vals 'Christene' wat hou daarvan om te haat, om vinger te wys, om wraak te neem. En die ergste, vals ‘Christene’ wat met genoë hul vyande na die sg. 'ewige hel' stuur! Valse 'Christene' boots die valse 'Christus' na! Valse 'Christene' speel in Satan se hande! Valse 'Christene' is lede van die grootste kultus in die wêreld! Lukas 18:7-8 “ 7  Sal God dan nie aan sy uitverkorenes, wat dag en nag tot Hom roep, reg doen nie? Sal Hy hulle lank laat wag? 8  Ek sê vir julle: Hy sal hulle help, en gou ook! “Maar sal die Seun van die mens by sy koms nog geloof op die aarde vind ?”” - Afrikaanse Nuwe Vertaling 1983 Matteus 22:14 ““Baie is immers geroep, maar min is uitverkies.”” - Afrikaanse Nuwe Vertaling 1983 Dit is hier luid en duidelik dat God se [eerste] uitverkorenes slegs min is (sien Matteus 7:14 ), ten spyte van die feit dat alle mense ook uiteindelik uitverkies sal wees ( 1 Korintiërs 15:23 ; Ezekiel 18:4-32 ; Ezekiel 36:26 ). Hierdie bg. min uitverkorenes roep dag en nag uit na God. Wie sal dag en nag na God toe uitroep? Diegene in nood. Roep 2,3 miljard, wat soveel tyd aan sosiale media bestee, dag en nag na God toe uit in nood? Wees asseblief realisties. En nog iets, hoekom dink jy sou Jesus vra of Hy nog geloof op aarde sal vind as Hy terugkeer? Want Hy het geweet Hy sal nie, behalwe Sy paar uitverkorenes. Waar kom die 2,3 miljard dan in? Dink hieroor na. Jy kan steeds een van die min wees. Satan gebruik hierdie gerieflike werktuig van VREES om mense mee te beheer, om hulle nie net weg te skrik van die natuur se ware medisyne * nie, maar om hulle primêr weg te skrik van die ware Christus! Satan teer op die inherente menslike natuur, die natuur van vreesagtigheid. Dis waarom hy so suksesvol met die farmaseutiese industrie is! ** Wie is die heerser van vrees, God? Nee, Satan, die groot versoeker ( Matteus 4:3 ). Sê die Bybel nie uitdruklik dat God Self nie versoek nie ( 1 Korinthiërs 10:13 ). * Verwys asseblief “Medicine” op die” A-Z Subject” bladsy (in Engels egter) ** Verwys asseblief “Drug - Pharmaceutical Drugs” op die “A-Z Subject” bladsy (in Engels egter) Jakobus 1:13 “Iemand wat in versoeking kom, moet nooit sê: “Ek word deur God versoek” nie; want God kan nie verlei word nie, en self verlei Hy niemand nie. ” - Afrikaanse Nuwe Vertaling 1983 En het Paulus nie aan Timoteus gesê dat God ons nie ‘n gees van vrees gegee het nie? 2 Timoteus 1:7 “Die Gees wat God ons gegee het, maak ons immers nie lafhartig nie, maar vul ons met krag en liefde en selfbeheersing.” - Afrikaanse Nuwe Vertaling 1983 Ja, God is die Skepper van alles, maar vir die boosheid wat Hy geskep het ( Jesaja 45:7 ), het Hy Satan Sy generaal, die heerser van die wêreld gemaak ( Johannes 14:30 ). Vrees het sy ontstaan aan die hande van Satan. Dit was sy opdrag. Nadat hy Adam en Eva (wat geen vrees geken het nie) tot ongehoorsaamheid verlei het, het hul lewe van vrede in ‘n lewe van vrees verander. ‘n Lewe van vrees is gestroop van vryheid en is dus geen lewe hoegenaamd nie. Hul lewe het inderdaad in geestelike DOOD verander as gevolg van ongehoorsaamheid deur van die “boom van kennis, van goed en van kwaad” te eet, dit wat God hulle verbied het om te doen. Hulle het God nie erken nie en was nie meer in Hom nie. Sodoende het hulle die geestelike dood geproe. Is die sg. ‘Christen’ vandag in Christus? Nee. Hulle erken Hom nie en ook nie Sy genadedaad nie. As mens nie in Christus is nie, is mens in die dood. Hierdie ‘kerk’ funksioneer in dood en donkerte. Lees gerus wat Jesus sê omtrent die dood wat die dood begrawe in Lukas 9:60 . Genesis 3:10 ““En die mens antwoord: “Ek het U hoor wandel in die tuin en ek het bang geword, want ek is kaal. Toe het ek weggekruip.”” - Afrikaanse Nuwe Vertaling 1983 Lukas 9:59-60 “ 59  Aan 'n ander een sê Hy: “ Volg My .” Maar hy antwoord: “Here, laat my toe om eers terug te gaan om my pa te begrawe.” 60  Toe sê Jesus vir hom: “Laat die dooies hulle eie dooies begrawe, maar gaan verkondig jy die koninkryk van God.”” - Afrikaanse Nuwe Vertaling 1983 Om IN Christus te wees is om HOM voorrang bo alles andere te gee! Om IN Christus te wees is om die LEWE te hê! Vrees is van die begin af deur Satan intakt gehou en as dit by vals ‘Christenskap’ kom, is die ‘ewigdurende hellevuur’ sy grootste suksesverhaal ooit wat homself nog steeds afspeel. Die fokus hier is die “ ewigdurende ”, die mees-onstellende byvoeglike naamwoord, bygevoeg deur partydige verdoemende vertalers. Die mees verkeerd-geïnterpreteerde woord in die Bybel Om met die “ewigheid” (verbuigings ingesluit) te speel is om met God te speel… met Vuur! Sien onderaan die radikale verskille tussen twee weergawes van dieselfde vers. Matteus 25:41 “"Dan sal die Koning vir dié aan sy linkerkant sê: ‘Gaan weg van My af, julle vervloektes! Gaan na die ewige vuur wat vir die duiwel en sy engele voorberei is,” - Afrikaanse Nuwe Vertaling 1983 Matthew 25:41 “Then shall he say also to those on the left hand, Go ye from me, the cursed, to the fire, the age-during , that hath been prepared for the Devil and his messengers;” - Young’s Literal Translation In al die Griekse vertalings kom slegs die “van die “eon”” voor (aiōnion – αιωνιον). Die Afrikaanse woord vir “age” is “eon”. Direk in Afrikaans vertaal sou dit “eondurende vuur” lui. Nou watter een van die twee weergawes resoneer met jou …die “ ewige vuur ”, of die “ eondurende vuur ”? Die voorkeur van biljoene vals ‘Christene’, beide histories en huidiglik, dui na die eerste weergawe . Is jy een van hulle? Jy weet natuurlik dat ‘n eon (met al die verbuigings) ‘n baie lang periode met ‘n begrensde tydsduur (afsnypunt) behels. As jy onder die ‘ewige-hel-aanhangende’ gemeenskap sorteer, dan is jou voorkeur vanselfsprekend, of nie? Prediker 3:11 “God het elke ding gemaak dat dit pas in 'n bepaalde tyd, maar Hy het ook aan die mens 'n besef gegee van die onbepaalde tyd. Tog kan die mens die werk van God van begin tot einde nie begryp nie.” - Afrikaanse Nuwe Vertaling 1983 Prediker 3:11 sê uitdruklik dat God “ewigheid” vir die mens onbekend gemaak het ( #5769 ) en dit in sy- of haar mees innerlike, die hart, opgesluit het. Hoe arrogant kan mens wees, om te dink dat wat God toegesluit hou, hy of sy kan oopsluit. Oopsluit met watter sleutel? Die sleutel wat die [verkeerde] deur na dwaling oopsluit. Niemand weet wat “ewigheid” beteken nie. “Ewigheid” is steeds ‘n verborgenheid wat slegs deur God Self openbaar sal word en dit as tyd nie meer bestaan nie, net eindelose teenswoordige ekstase vir die ganse mensdom in Hom! Lees asseblief Openbaring 21:4 . Vir die Christen wat in die ON begrensde versoening van Christus se Bloed glo, hou die woord “ewigheid” hoegenaamd geen bedreiging in nie. Slegs eindelose vreugde kom op. Maar wanneer hierdie “ewigheid” aan kwesbare mense as ‘n ‘eindelose marteling in ‘n helse vuur’ vir ongelowiges voorgestel word, is dit net soveel onmenslike wreedheid as wat dit menslike beheersug in die ergste vorm is. Die getal van diegene wat in hierdie mite glo is die skitterende bevestiging van Satan se briljante sukses. Kom ons kyk wat Jeremia ver terug in sy tyd alreeds te sê gehad het oor skrifgeleerdes. Jeremia 8:8 “Hoe kan julle sê: “Ons het wysheid, ons het die wet van die Here by ons”? Dié wat die wet neerskryf, pleeg bedrog, hulle vervals die wet! - Afrikaanse Nuwe Vertaling 1983 En wat doen moderne skrifgeleerdes? Hulle verander “eondurende” na “ewigdurende”. Die werklike “ewigheid” is vir die [ware] gelowige nog nie ‘n realiteit op aarde nie, maar slegs ‘n vreugdevolle innerlike belewenis van die skaduwee van die werklikheid daarvan wat wel in die toekoms in Christus sal wees ( Kolossense 2:14-20 ). Paulus was in die paradys ( 2 Korintiërs 12:4 ) en kon ná dit nie meer wag om te gaan en by Christus te wees nie ( Filippense 1:23 ). Lewe op aarde word deur begrensde tyd bepaal en marteling in ‘n vakuum van tydloosheid moet eenvoudig vreesaanjaend vir die ongelowige wees. Wat nog te sê van die vrees wat in hierdie ongelowiges se kinders ingeprent word. Om ‘n klein kind reeds op so ‘n kwesbare ouderdom met so ‘n gruwelike leuen te belas en te laat opgroei is hartseer verby! Hierdie vrees bly in daardie kind al die pad. Vrees hou mense gevange en in kettings. Ek onthou nog die geval toe ‘n man van die Sewende Dag Adventiste baie jare gelede in ons huis was. Toe ek hom sê dat daar nie so iets as ‘n ewigdurende hel van verdoemenis is nie, was sy presiese woorde “Willien, ek krimp ineen binne. Ek wil jou graag glo, maar sê nou jy’s verkeerd!?” Wat ‘n klassieke reaksie van vrees was dit nie. Dit het tot vandag toe nog nie verander nie, ‘n reaksie wat nie net oor alle denominasies van hierdie sogenaamde hervormde ‘Christenkerk’ heen strek nie, maar ook oor die Katolieke- en Ortodokse kerk. Hierdie reaksie het egter heelwat gesigte. Die mees algemene vorms is totale swye, sarkasme, woede, of die voorgee van samestemming net om ‘n argument te voorkom. Al hierdie vorms het ons oor die jare heen ondervind. Hoe kan enigeen by sy of haar volle verstand ewigdurende marteling van biljoene der biljoene met ‘n God van liefde vereenselwig? Hoe kan enigeen met ‘n PhD kwalifikasie en ‘n titel soos Prof., of Dr. in ‘n teologiese fakulteit in sulke nonsens glo, as dan nie is aan die misleidende hand van Satan nie… nietemin deur God voorafbepaal? Voorafbepaal? Ja! God het akademiese instellings, by uitstek teologiese fakulteite, met opset geskep; eerstens om deur die mensdom verafgod te word en tweedens vir die mensdom om die dwaas- en futiele leringe daarvan te ervaar. Futiele? Ja! Het die wêreld ‘n beter plek geword? Nee! Net die teenoorgestelde. Het dit gesonder geword? Nee! Die wêreld is siek tot die been! Het die sg. ‘Christene’ innerlike vrede and vreugde? Nee! Die kerk is vol haat! Realiteit wys oral. Wysheid kom SLEGS van die Heilige Gees. Sien hieronder. Matteus 11:25 “Daardie tyd het Jesus gesê: “Ek prys U, Vader, Here van hemel en aarde, dat U hierdie dinge vir slim en geleerde mense verberg het en dit aan eenvoudiges bekend gemaak het.” - Afrikaanse Nuwe Vertaling 1983 En hoekom sou Jesus, wat liefde is, die volgende sê as Hy nie die wonderlike eindresultaat vir die hele mensdom in sig gehad het nie? Terloops, wat is hierdie “vuur” waarvan Jesus praat? Dis die Vuur Hyself. Hy is die Suiweringsvuur wat die ganse mensdom tot liefdevolle Koninkrykburgers sal suiwer, met Vuur insout. Lukas 12:49 ”“Ek het gekom om vuur op die aarde aan te steek, en hoe wens Ek dat dit al aan die brand is!!” - Afrikaanse Nuwe Vertaling 1983 Markus 9:49 ““Almal sal met die vuur van beproewing gelouter word.” - Afrikaanse Nuwe Vertaling 1983 Die suiwering van die apostel Paulus en sy volgelinge het op aarde plaasgevind ( 1 Korintiërs 11:32 ). Hulle was nie bedoel vir die suiwering van die tweede dood nie, maar hulle het nietemin ontsettend gely. Wat meer is, hulle het hulle verheug in hul lyding juis omdat hulle aan Christus se lyding deel gehad het. 1 Petrus 4:13 “Wees liewer bly hoe meer julle in die lyding van Christus deel, want dan sal julle ook oorloop van vreugde by sy wederkoms in heerlikheid. ” - Afrikaanse Nuwe Vertaling 1983 Hoe kan ons ooit verwag om in die ewigdurende glorie en vreugde van Christus, Sy glorie van ondenkbare omvang, deel te kan hê sonder om self deur uiterse lyding te gaan? Onuithoubare menslike lyding is wat vereis word om die verpligtende vuurtoets van ware geloof, die geloof in Romeine 4:5 te deurstaan. Om na beradingskamers te hardloop vir troos is om mens self hierdie toets te ontsê. In hierdie toets is daar geen ‘goedvoel’ terapie nie, slegs pynlike korreksie. Verder nog, met hierdie toets is daar slegs Een Berader is en Sy Naam is Jesus Christus ( Jesaja 9:6 ). Om berader te speel is om die fokus op die mens te plaas en nie op die Christus van Paulus nie. Al die sg. kerkberaders doen hul beradingswerk in die naam hul vals ‘christus’. Sê die Bybel nie in Jeremia 17:5 17:5 dat diegene wat die mens nader vir konsultasie onder die vloek is nie? Om berader te speel voed die ego in plaas van verpletter. In Christus is daar geen ego nie, slegs vervuldheid. 1 Petrus 1:7 “sodat die egtheid van julle geloof getoets kan word. Julle geloof is baie kosbaarder as goud, goud wat vergaan. Selfs die suiwerheid van goud word met vuur getoets, en die egtheid van julle geloof moet ook getoets word, sodat dit lof en heerlikheid en eer waardig mag wees by die wederkoms van Jesus Christus.” - Afrikaanse Nuwe Vertaling 1983 En wat is die “vreugde” waaroor Jesus in die teks hieronder praat? Vreugde in die uitwissing van bogenoemde biljoene? Dink logies asseblief. Sy vreugde was as gevolg van die eindresultaat vir ALLE mense! En hierdie enorme vreugde was die fokuspunt van die Messias! Hy het Hom vooraf alreeds verheug in Sy uiteindelike vreugde met die ganse mensdom. En so moet ons ook ons vreugdevolle fokus op Christus plaas, nie op Sy lyding nie, maar op sy opstanding om ons ontwil, tot die ewige lewe met Hom. Om in Hom gedoop te wees, is om alreeds saam met Hom opgestaan te wees. DIT is die hoop wat Ware Christenskap gee. Die doop * in vals ‘Christenskap’ het geen krag nie en is hoegenaamd van geen betekenis nie. * Verwys asseblief “Baptism” op die “A-Z Subjects” bladsy (in Engels egter) . Hebreërs 12:2 “die oog gevestig op Jesus, die Begin en Voleinder van die geloof. Ter wille van die vreugde wat vir Hom in die vooruitsig was , het Hy die kruis verduur sonder om vir die skande daarvan terug te deins, en Hy sit nou aan die regterkant van die troon van God.” - Afrikaanse Nuwe Vertaling 1983 Wat is die mees algemene [hoewel goedbedoelde] dringende waarskuwingskommentare onderaan media videos aan diegene getref deur natuurrampe soos grondverskuiwings, aardbewings en vloede vandag? Iets in die lyn van “Maak nou ‘n ommekeer na Jesus voordat dit te laat is!” Te laat vir wat? Al hierdie is [maar weer] die forsering van mense om na Jesus toe uit te roep uit vrees vir ‘n ‘ewige hel’ en nie uit liefde vir Hom vir Sy offer vir hulle nie. Wat hulle nodig het om te hoor is “ J esus het ook vir julle gesterf uit Sy liefde vir julle. Sy gestorte Bloed het julle alreeds gered en julle het alreeds die ewige lewe ge-erf. Roep Sy Naam aan uit dankbaarheid, nie uit vrees nie. Alles is wel. Hy is in beheer! ” Dit is die soort boodskap wat mense in nood nodig het om te hoor, ‘n boodskap van hoop in ‘n hopeloses situasie. Wie ookal hier lees, juig, want ook jy sal die Christus van die Bybel dien en sal NET vreugde en vervuldheid in Hom hê tot in allerewigheid. Jeremia 31:34 “'n Man sal nie meer vir sy buurman of vir sy broer voorhou: “Jy moet die Here dien” nie, want almal sal My dien , klein en groot, sê die Here. Ek sal hulle oortredings vergewe en nie meer aan hulle sondes dink nie.” - Afrikaanse Nuwe Vertaling 1983 Ware Christenskap het niks te doen met mensgemaakte geboue nie. Ware Christenskap het ALLES te doen met die hart binne-in ‘n persoon. Daar is slegs een plek waar God tasbaar woon en dit is binne in die harte van diegene wat in die ON begrensde versoeningsdaad van Christus op Golgotha glo. Ware Christenskap is die liefde wat vanuit binne na buite uitstraal. Wat in die hart is, word aan die oppervlak openbaar. Wanneer mens die ware Christus in mens het, is dit eenvoudig onmoontlik om nie ‘n vreugde te hê wat instaat is om enige boosheid te oorskadu as gevolg van die hoop wat mens het. Die kragtige werking van Christus wat die tempelvoorhangsel van skeiding in twee geskeur het, het vrye toegang vir ALLE mense tot die heiligdom van vrede en veiligheid bewerkstellig. As iemand innerlike vrede het sal almal om hom of haar dit weet. As ‘n buitestaander toets maar ‘n ‘ewigdurende-hel’ aanhangende ’Christen’ deur sy- of haar geloof te bevraagteken en sien self hoe hy of sy reageer. Professore en prominente universiteitsgeledere in Teologie fakulteite op hoë stoele ingesluit. Dit vat nie baie om hul verskansde hoogmoed na die oppervlak te dwing nie. Wat in die hart aangaan is gewoonlik moeilik om te beheer. Deur hul selfverklaarde “vry wil” en “vry keuse” het hulle hulself die innerlike Heiligdom van Christus ontsê en word hulle daardeur weerhou van toetrede daartoe deur die Christus wat hulle teëstaan, die Christus wat geen witbroodjies het nie ( Romeine 2:11 ). Hebreërs 6:19 “Hierdie hoop besit ons as 'n veilige en onbeweeglike lewensanker, wat agter die voorhangsel vas is.” - Afrikaanse Nuwe Vertaling 1983 Paulus getuig duidelik van die vaste anker van hoop wat hulle gehad het en waarvoor hulle slegs diep in hul harte-in hoef te reik, hul Heiligdomme waar Christus teenwoordig is. Daar is geen nodigheid om elders heen te hardloop vir troos nie. Troos is binne-in onsself, binne-in Christus! Ondervinding is die bewys! Einde goed, alles goed. Almal sal ewige lewe hê. Daar sal GEEN ewigdurende hel wees nie. “ALMAL”? Ware Christene, vals ‘Christene’, Jode, Moslems, Boedhiste, Hindoes, Ateïste, Sikhs, ens. ELKEEN! As jy hier lees en jy is in nood en in ‘n skynbaar-hopelose situasie, al het jy nie eens ‘n Bybel nie, roep net die WARE Jesus se Naam uit. Hy leef. Hy sal jou hoor. Romeine 4:5 “Maar die mens wat nie op wetsonderhouding staatmaak nie, maar wat glo in Hom wat die goddelose vryspreek , hy kry die vryspraak deur sy geloof.” - Afrikaanse Nuwe Vertaling 1983 Die “mens wat nie op wetsonderhouding staatmaak nie” in Romans 4:5 is die een onder die wet van genade en nie onder die wet van Moses nie, aldus verwysende na die een wat hom- of haarself as Christen ag. Die “goddelose” in hierdie vers is die een wat God verag, die een wat nie in Hom glo nie. Hierdie vers verklaar duidelik dat God in Sy liefde ook die ongelowige- en respeklose persoon as regverdig verklaar, vrygespreek van al sy- of haar sondes, die moment van Jesus se offerdood aan die kruis. Jesus se Bloed het sonde vir ewig uitgewis en daardeur die Wet van Moses vir ewig vervul. Daar is nou slegs een wet as voorvereiste vir ewige lewe en dit is die wet van Christus, die wet van Genade. Daar word geen dade meer vereis nie, behalwe dié wat uit dankbaarheid uitgeoefen word. So wat is regverdige geloof ten diepste dan? Dis die geloof dat God die ongelowige persoon vrygespreek het van alle sonde, hom-, of haar met Homself versoen het en hom- of haar dus as waardig vir die ewige lewe met Hom verklaar het. Sê hierdie vers egter dat God die geloof van hierdie ongelowige persoon ook as regverdig verklaar het? Nee, hoegenaamd nie. Dis belangrik, want slegs met regverdige geloof kan die hemelse Koninkryk van God betree word. Dit beteken dus dat, alhoewel die ewige lewe in die hemel alreeds ‘n uitgemaakte saak is ook vir die [nou-regverdig-verklaarde] ongelowige persoon, is dit STEEDS noodsaaklik vir hierdie persoon om ook regverdige geloof te verkry alvorens toegang tot die hemelse Koninkryk van God verkry word. Ook belangrik om hier te besef dat vals ‘Christene’ hierdie vers NIE glo nie! Hierdie is die belangrikste vers in die Bybel as dit kom by verteenwoordiging van die geloof wat ware Christenskap omspan. Terselfdertyd is dit ook die mees bedreigende vers in die Bybel wat die ‘ewigdurende- hel-van-verdoemenis’ dogma van vals ‘christenskap’ verpletter, ‘n dogma wat tot vandag toe nog van preekstoele af gepreek word oor die wêreld heen! Hierdie is die vers wat totaal ignoreer word op hierdie godsdiensplatforms. Juis as gevolg van die lopende gevaar van verlies van miljoene der miljoene oningeligte betalende lidmate wat ‘n wêreldwye mede-afhanklikheidsinstansie onder die sambreel van ‘Christendom’ onderhou. Mede-afhanklikheid? Ja, finansiële uitbuitery aan die een kant en die teer op ‘n weeklikse ‘goedvoel- selfsentreerde’ uur aan die ander kant. Harde woorde ja, maar nie hard genoeg as dit kom by die gruwelike smaad van die Bloed van Christus nie. Om Sy Bloed onderhewig te maak aan die ‘keuse’ van die mens is die mees-skandelike belediging moontlk! Die verwerping van Romeine 4:5 plaas al die ‘ewigdurende verdoemenis’ –aanhangende “Christene’ in dieselfde kategorie as die voorafgenoemde ongelowige. Die uiterse belangrikheid van die besit van regverdige geloof kan nie genoeg beklemtoon word nie om Christus by Sy wederkoms in die lug te ontmoet en sodoende die pynlike dissiplinêre regstelling van God in die “vuurpoel” vry te spring nie ( Openbaring 21:8 ; 1 Korintiërs 15:26 ). Die apostel Paulus het hierdie regverdige geloof gehad en daarom het God hom Romeine 4:5 laat skryf. Die Bybel is baie duidelik hieroor. Al die nasies sal hierdie boodskap van vreugde hoor en dan sal die einde kom! Christus het Sy dissipels kort ná Sy opstanding beveel om die Goeie Nuus aan al die nasies te verkondig en tot ommekeer te lei. En wat gebeur toe? Die leuen het ingesluip. Waar? By die Sinode van Nicea in die tyd van Konstantyn I. Die daaropvolgende vals boodskap doen die rondte regoor die wêreld nou al vir bykans 1,700 jaar. Ergste is dat dwaling die ‘waarheid’ geword het, die norm wat as vanselfsprekend aanvaar is, ook deur die sg. gereformeerde ‘Christenkerk’ sedert 500 jaar gelede. Dit sleep die leuen al die pad tot op hede saam. Matteus 24:14 “En hierdie evangelie van die koninkryk sal in die hele wêreld verkondig word, sodat al die nasies die getuienis kan hoor. Eers dan sal die einde kom.”” - Afrikaanse Nuwe Vertaling 1983 Wat beteken “heilige”? Dit beteken eenvoudig “afgesonderde”, afgesonderd nes jy is, NIE met opvallende klere van ‘eksklusiwiteit’ hoef aandag te trek nie ( Mattheus 6:5 ), NIE met ‘n vroom gesig hoef rond te loop nie, NIE met ‘n kunsmatige vroom stemtoon hoef te beïndruk nie, NIE op ‘n kers-omringde kansel in ‘n kunsmatige atmosfeer van ‘heiligheid’ aandag hoef te trek nie. Jesus was SO onopvallend, dat Judas Hom moes soen om Sy identiteit aan die arresteerders te openbaar ( Markus 14:44 ). Wie jy ookal is, wat jy ookal gedoen het, wat jy ookal tans glo, watter taal jy ookal praat, waarvadaan jy ookal kom, watter velkleur jy ookal het… jy het die ewige lewe alreeds! Jy is afgesonderd! Afgesonderd vir WIE? Vir die Almagtige God van die universum, die God van die Bybel, die God wat ELKEEN liefhet, JY ingesluit! Die God wat jou alreeds deur die offerbloed van Jesus met HOMSELF versoen het. Roep Sy Naam, Jesus Christus , aan! Hy leef! Hy is die Lewende God! Glo dat Hy die hele mensdom alreeds gered het en jy sal die pynlike (hoewel tydelike) tweede dood gespaar word en deel hê aan die EERSTE opstanding wanneer Jesus openbaar word met Sy tweede koms ( Openbaring 20:6 )! 1 Petrus 1:16 “Daar staan immers geskrywe: “Wees heilig, want Ek is heilig.”” - Afrikaanse Nuwe Vertaling 1983 1 Peter 1:16 διότι γέγραπται ὅτι Ἅγιοι ἔσεσθε, ὅτι ἐγὼ ἅγιος. - Westcott & Hort 1881 #1360 #1125 #3754 #40 #1510 #3754 #1473 #40 “ διότι γέγραπται ὅτι Ἅγιοι ἔσεσθε, ὅτι ἐγὼ ἅγιος.” “dioti gegraptai hoti Hagioi esesthe, hoti egō hagios.” “,in as much as it has been written because Holy you [be], because I holy.” Lees asseblief die hele 1 Petrus 1. Jesaja 25:6-9 “ 6  Op hierdie berg gaan die Here die Almagtige 'n feesmaal gereed maak vir al die volke, 'n feesmaal met die beste om te eet en te drink, goeie kos en geurige wyn. 7  Op hierdie berg sal Hy die doek verwyder, die doek wat oor al die volke gegooi was, waarmee al die nasies toegemaak was. 8  Hier sal die Here God die dood vir ewig vernietig, en die trane op almal se gesigte afvee. Oor die hele aarde sal Hy die smaad verwyder wat sy volk aangedoen is. Die Here het dit gesê. 9  Wanneer dit gebeur, sal elkeen sê: Kyk daar, dit is ons God, ons het op Hom vertrou, Hy het ons gered. Dit is die Here! Ons het op Hom vertrou. Laat ons bly wees en juig omdat Hy ons gered het.” - Afrikaanse Nuwe Vertaling 1983 Jesus het die laaste sê in die laaste vers van die Bybel! Openbaring 22:21 “ Ἡ χάρις τοῦ Κυρίου Ἰησοῦ μετὰ πάντων.” Die genade van die Here Jesus sal by almal wees - Afrikaanse Nuwe Vertaling 1983 Die “heiliges” en “Amen” wat bygevoeg is aan die einde van die meeste weergawes, is hier tereg uitgelaat! Eksklusiwiteit wat deur vals ‘Christenskap’ verkondig word, is hier volkome vernietig. WARE CHRISTENSKAP nooi dus ALLE mense hier uit om ALREEDS deel van God se Heilige Familie te wees. HALLELUJA Vir meer inligting rondom hierdie bladsy, verwys asseblief “A to Z Subjects” (in Engels egter). Besoek gerus ons ander webwerf, www.godallinall.org , indien jy sou belang stel.